Snee (Stood)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Snee

Snee
Laag vun Snee in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21683
Vörwahl: 04141
Geograafsche Laag:
Koordinaten:53° 38′ N, 9° 29′ O
53° 38′ N, 9° 29′ O

Snee is en lütt Dörp mit üm un bi 100 Inwahners in de Gemeen Stood in’n Landkreis Stood, Neddersassen.

Geografie[ännern | Bornkood ännern]

Snee liggt an de Grenz na Keden hen an’n Rand von Masch un Moor. Dat Water ut dat Rebeed flütt över Gravens na’n Hörn-Götzdörper Kanaal hen af.

De Naveröörd sünd Götzdörp in’n Noordwesten, Brunshusen in’n Oosten, Hörn in’n Süüdoosten un Schölisch in’n Süüdwesten. In’n Noordoosten liggt dat Bützfleter Industrierebeet un dor achterto de Elv. De Binnenstadt von Stood liggt so bi dree Kilometer in’n Süden.

Historie[ännern | Bornkood ännern]

De Naam kummt toeerst 1308 as Snede in de Oorkunnen vör. Dat weer dormaals noch keen Oort, man en Naam för dat Rebeed an de Grenz von Stood na Keden (Sneed is en anner Woord för Grenz). Eerst later hett sik dor denn de hüdige Oort billt.

In’n Eersten Weltkrieg sünd dree Soldaten ut Snee un Hörn fullen oder vermisst[1].

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bützfleet in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Kaspelsgericht Bützfleet von dat Grevengericht Bützfleet tohöört un denn von 1852 bet 1859 to dat Amt Wischhoben. 1859 is dat Deel von dat Amt Freeborg worrn un na 1885 weer dat in’n Kreis Keden. 1932 is dat Deel von’n Kreis Stood worrn.

Later is Snee an de Stadt Stood kamen.

Inwahnertall[ännern | Bornkood ännern]

Johr Inwahners
1791-00-00 1791[2] 19 Füürsteden*
1824-00-00 1824[3] 19 Füürsteden*
1848-00-00 1848[4] 127 Lüüd. 19 Hüüs*
1871-12-011. Dezember 1871[5] 95 Lüüd. 12 Hüüs
* tohoop mit Hörn

Religion[ännern | Bornkood ännern]

Snee is evangeelsch-luthersch präägt un höört to dat Kaspel von de Cosmae-Kark in Stood. Fröher hett de Oort to de Wilhadi-Kark in Stood tohöört.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

En Denkmaal för de Sne’er Fullenen ut de twee Weltkrieg’ steiht bi de Nicolai-Kark in Bützfleet.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Snee liggt an de Landsstraat 111, de ok Obstmarschenweg heet. De L 111 geiht in’n Noordwesten över Bützfleet un Drochters na Freeborg un in’n Süüdwesten an de Bundsstraat 73 ran. Von Hörn ut löppt in’n Süüdwesten de Freebörger Straat na de Binnenstadt von Stood un in’n Noordoosten de Stoder Elvstraat na Brunshusen un Stodersand. De Buslien 2025 von de HVV höllt in Snee un föhrt na Stood.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so söss Kilometer in’n Süüdoosten von Snee an de L 111.

De nächste Bahnhoff is so bi veer Kilometer wied weg in’n Süüdwesten de Bahnhoff Stood an de Nedderelvbahn von Cuxhoben na Hamborg. Von 1899 bet 1933 hett dat dichtbi in Hörn ok en Bahnhoff an de Kedener Kreisbahn geven.

Scholen[ännern | Bornkood ännern]

De Kinner ut Snee gaht in Bützfleet op de Grundschool an’t Fleet.

Footnoten[ännern | Bornkood ännern]

  1. http://www.denkmalprojekt.org/dkm_deutschland/buetzfleth_wk1u2_ns.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 282
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 144
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137

Weblenken[ännern | Bornkood ännern]

Commons-logo.svg Snee (Stood). Mehr Biller, Videos oder Audiodateien to’t Thema gifft dat bi Wikimedia Commons.